X
ئ|
عەتا كەریم

بە سێ دالەكەوە

عەتا كەریم

مام جەلال، یەكەم سكرتێری گشتی ئەم حزبە بوو، لە 1975-2017، بە شانازیبوونی یەكێتیانەوە، چەتر و سكرتێری هەموان بوو، لەسەرەوە بۆ خواری خوارەوە، وەك ئەركی حزبی، خواستیشی زیاتر بوو، كە نەك یەكێتیەكان، ئەوانەی دەرەوەی حزبەكەیشی، یەكێتیان پەسند بێت، ئەمەیشی دەكرد و پێداگر بوو كە یەكێتیەكان خەسڵەتی باڵای سێ (دال)ەكەیان تێدابێت، كە ( دەستپاك، دەمپاك، داوێنپاك) بن، كە ئەمانە هەبوون، یەكێتی جێی پەسندی ناوخۆیی و دەرەوەی خۆیشی دەبێت و كۆمەڵانی خەڵكی كوردستان پەسندی دەكەن، ئەمەش یەكێتی دەكاتە حزبی كۆمەلانی خەڵك و براوەی خەباتی دیموكراسیی و هەڵبژاردن!.

خەسڵەتی سێ دالە دڵخوازەكەی مام جەلال، ستراتیژ و بیرتیژی رابەرێكی سیاسیی گەورەی بزووتنەوەی كوردایەتییە، ئەو رازیبوو بەو گەورەییەوە سكرتێری حزبێكی وەك یەكێتیی بێت، سەرۆك كۆماری دەوڵەتێكی وەك عیراق بوو، بەڵام سكرتێری حزبێكی كوردستانیش بوو، ئەو لە گەورەیەوە بۆ ناو و ناوبانگێكی گەورە بۆ یەكێتیی ئەركی سكرتێری لە ئەستۆ بوو، كێ لەو گەورەییە تێدەگەیشت؟

یادكردنەوەی یەكێتیی نیشتمانیی كوردستان لە تەمەنی 46 ساڵەیدا، یادكردنەوەیەكی قوڵ بێت، بۆ چەسپاندنی سێ دالە دڵخوازەكەی مام و پەسندكراوی یەكێتیی راستەقینەبێت، چونكە زۆرێك لە سۆنەری سێ دالەكە دەرناچن، هەم لەسەرەوە هەم لە پێگەكانی دیكەی یەكێتیی، بۆیە ئەمە بنكۆڵی بنەمای كادرێتی سەنگینە، پێچەوانەكەی لێدانە لە حزبێك كە ئامانجی ئەوەیە هەم بۆ كۆمەڵانی خەڵك بێت، هەم كۆمەڵانی خەڵك هی یەكێتی بێت.بۆیە تێیدایە
-دەستپاك نییە
-دەمپاك نییە
-داوێنپاك نییە

ئەوەی خەمی خەسڵەتی سێدالەكەی بۆ خۆی نەبێت، قورسە خەمی یەكێتیی هەبێت، جا لەسەركردایەتی بێت یان لە بنكردایەتی خوارەوە.

هەر هێزێكی سیاسیی ئەم خەسڵەتانە لە یەكێتیی وەربگرێت بۆ خۆی؛ دەیكاتە هێزێكی كاریگەر.

لە دوای كۆنگرەی چوارەمی یەكێتییەوە پێویستە، خەمەكە گەورە تربێت، بەوپێیەی یەكێتییەكی زۆرهەن خەمی پەیژەكەیانە بۆ سەركەوتن ( بەهەر جۆرێك بێت) نەك خەمی سترتیژ و رێباز و شارێی نوێبوونەوە و بەردەوامیدان بە یەكێتیی، ئەزموونی سیاسیی و دیپلۆماسیی و ئیدارەدانی زۆری بەجێهێشت بۆ یەكێتیی و شێوەی ئیدارەدانی سیاسیی و ئاڵنگاریی حزبایەتی ئەم هێزە،  بەشی هەمو هێزە سیاسییەكانی كوردستان دەكات.

كۆنگرەی یەكێتیی گرنگ بو بۆ نوێبوونەوە، گرنگترە هەڵپەكاری سیاسیی بۆ سەركەوتنی پەیژەكە و هەڵپەكاری نوێبوونەوەی یەكێتی جیابكاتەوە...

پیرۆزبێت لەو یەكێتیانەی خەسڵەتی سێ دالەكەیان تێدایە.

پیرۆزبێت لەو یەكێتیانەی لە نوێبوونەوەی یەكێتیدا یەكێتیانە لە بیر و رەفتاریاندایە.

هەواڵی زیاتر