گرنگ
نرخی ئه‌مڕۆ دراوه‌كان له‌ كاتی كردنه‌وه‌ی بازاڕه‌كانی‌ هه‌رێمی كوردستان
به‌وێنه‌... له‌ رووداوێكی‌ هاتووچۆدا كه‌سێك بریندار بوو
نرخی‌ نه‌وت گۆڕانكاری‌ به‌سه‌ردا هات

هەواڵی کوردستان

فڕۆكه‌خانه‌كانی هه‌رێم به‌ڕووی گه‌شتیاراندا كرانه‌وه‌

5 رۆژ پێش ئێستا

میلله‌ت
به‌ پابه‌ندبون به‌ مه‌رجه‌كانی خۆپارێزیی، فڕۆكه‌خانه‌كانی هه‌رێمی كوردستان به‌ڕوی گه‌شتیاراندا كرانه‌وه‌ و ژماره‌یه‌ك رێنماییان بۆ گه‌شتیاران راگه‌یاند.

ئه‌مڕۆ شه‌ممه‌، هه‌ریه‌ك له‌ فڕۆكه‌خانه‌ی نێوده‌وڵه‌تی هه‌ولێر و فڕۆكه‌خانه‌ی نێوده‌وڵه‌تی سلێمانی كرانه‌وه‌، داواشیان له‌ گه‌شتیاران كرد له‌كاتی چوون و هاتن له‌ناو تێرمیناڵی فڕۆكه‌خانه‌كاندا ده‌مامك و ده‌ستكێش به‌كاربهێنن.

به‌گوێره‌ی‌ رێنماییه‌كان، به‌پێی ئه‌و شوێنه‌ی كه‌ گه‌شتی بۆ ئه‌نجام ده‌ده‌ن، گه‌شتیاران پێویستیان به‌ پشكنینی ڤایرۆسی كۆرۆنا له‌ جۆری (PCR) ده‌بێت و پێویسته‌ به‌ر له‌ ھاتنیان بۆ فڕۆكه‌خانه‌، په‌یوه‌ندی به‌ ئه‌و ھێڵه‌ ئاسمانییه‌وه‌ بكه‌ن كه‌ گه‌شته‌كه‌یان له‌ رێیه‌وه‌ ئه‌نجامده‌ده‌ن، بۆ دڵنیابون له‌ جێبه‌جێكردنی رێنماییه‌ ته‌ندروستییه‌كانی ئه‌و شوێنه‌ی كه‌ بۆی ده‌چن.

ئه‌وه‌ش خراوه‌ته‌ڕوو كه‌ ئه‌و گه‌شتیارانه‌ی كه‌ دێنه‌ ھه‌رێمی كوردستان، پێویسته‌ یان 48 كاتژمێر به‌ر له‌ ھاتنیان پشكنینی ڤایرۆسی كۆرۆنا له‌ جۆری PCR ئه‌نجامبده‌ن، یاخود له‌كاتی گه‌یشتنیان به‌ فڕۆكه‌خانه‌ پشكنینه‌كه‌یان بۆ ئه‌نجامده‌درێت و تێچووه‌كه‌ی ده‌كه‌وێته‌ سه‌رشانی خۆیان.

پێویستیشه‌ سه‌رجه‌م گه‌شتیاره‌ ھاتوه‌كان به‌ڵێننامه‌یه‌ك پڕبكه‌نه‌وه‌ كه‌ له‌ دوای گه‌یشتنیان بۆ ھه‌رێمی كوردستان بۆ ماوه‌ی 14 رۆژ خۆیان كه‌ره‌نتین بكه‌ن.


ئه‌م بابه‌ته 583 جار خوێنراوه‌ته‌وه‌‌

زۆرترین خوێنراو

  • یەک ڕۆژ
  • یەک هەفتە

Millet copyright 2015 © . All right reserved
Avesta Group and powered by Microsoft Azure