X
ئ|

یه‌كه‌م فه‌توا له‌ دژی هه‌ڵبژاردنه‌ پێشوه‌خته‌كه‌ی عێراق ده‌ركرا

هەواڵی ڕۆژهەڵاتی ناوەڕاست

02/08/2020     1615 ژمارەی خوێندراو
Alternate Text

میلله‌ت

مه‌رجه‌عێمی شیعه‌ی عێراق له‌ یه‌كه‌م فه‌توادا دژی ئه‌نجامدانی هه‌ڵبژاردنی پێشوه‌خت له‌ عێراق وه‌ستایه‌وه‌ و داوایكرد بایكۆتی ئه‌و هه‌ڵبژاردنه‌ بكرێت.

محه‌مه‌د مه‌هدی خالسی، مه‌رجه‌عی ئاینیی عێراق رایگه‌یاند "بایكۆتكردنی هه‌ڵبژاردنه‌ پێشوه‌خته‌كه‌ی عێراق كه‌ مسته‌فا كازمی له‌ 6ی حوزه‌یرانی ساڵی داهاتوودا دیاریی كردووه‌، باشترین رێگه‌چاره‌یه‌ بۆ به‌ره‌نگاربوونه‌وه‌ی داگیركه‌ران".

مه‌رجه‌عه‌كه‌ی عێراق مه‌به‌ستی له‌ داگیركاریی ئه‌مریكا بووه‌ بۆ عێراق و وتویه‌یتی " ناتوانرێت له‌ سایه‌ی داگیركه‌راندا هه‌ڵبژاردنی ئازاد و پاكوبێگه‌رد ساز بكرێت".

جێگه‌ی ئاماژه‌یه‌ كه‌ كۆمسیۆنی باڵای سەربەخۆی هەلبژاردنەكان لەعێراق جەختدەكاتەوە ئامادەن بۆئەنجامدانی هەلبژاردنی پێشوەختە لەو وادەیەی لەلایەن سەرۆك وەزیرانەوە دیاریكراوە.

كۆمسیۆنی باڵای سەربەخۆی هەلبژاردنەكان لە راگەیەنراوەكەدا ئاماژەی بۆ ئەوە كردووە ئامادەن بۆ ئەنجامدانی پرۆسەكە لەو وادەیەی دیارییكراوە بەو مەرجەكەی پەرلەمانی عێراق رێكارەكانی تایبەت بە یاسای هەلبژاردن بەكۆتابهێنێت.

كۆمسیۆنەكە داواشی لەنەتەوە یەكگرتووەكان و رێكخراوە نێودەوڵەتیەكان كردووە هاوكاربن لەچاودێریكردنی پرۆسەی هەلبژاردنەكە هەروەها پێویستە پەرلەمانیش هاوكاربێت لەو وادەیەی بۆ ئەنجامدانی پرۆسەكە دیاریكراوە بەتایبەت محەمەدحەلبوسی سەرۆكی پەرلەمان تانەی لەو وادەیە داوە بۆ هەلبژاردنی پێشوەختە كە لەلایەن مستەفا كازمی سەرۆك وەزیرانەوە دیاریكراوە. 

هەواڵی زیاتر

هەواڵی ڕۆژهەڵاتی ناوەڕاست 12 خولەک پێش ئێستا

شەش منداڵ لە كاتی یاریكردنیان بە بۆمبێك بوونە قوربانی

هەواڵی ڕۆژهەڵاتی ناوەڕاست 2 کاتژمێر پێش ئێستا

ئەنجومەنی ئاسایش بۆ تاووتوێكردنی ڕەوشی فەڵەستین كۆدەبێتەوە

هەواڵی کوردستان 2 کاتژمێر پێش ئێستا

خوێندنی ناو پۆل دەستیپێكردەوە