گرنگ
لێپرسراوێكی دیكە لە گەرمیان بە هۆی كۆرۆناوە گیانی لە دەست دا
لیرەی توركی و تمەنی ئێرانی دابەزینی گەورەیان تۆماركرد
به‌ڤیدیۆ... په‌رله‌مانتارێكی‌ عێراقی‌ ئاماده‌یی ده‌ربڕی‌ بۆ تۆڵه‌كردنه‌وه‌ی‌ كوشتنی‌ قاسم سوله‌یمانی‌ له‌ ئه‌مریكا

فەرهەنگ

ناوی بەشدارانی بیستوسێیەمین فێستیڤاڵی گەلاوێژ ئاشکرا کران

16/08/2020

میللەت- فەرهەنگ

 لەژێر درووشمی ئاسۆ دەدرەوشێتەوە، بڕیارە ٢٠ تا ٢٢ی ئەم مانگە، بە شێوەی ئۆنلاین بیستوسێیەمین فێستیڤاڵی نێودەوڵەتیی گەلاوێژ ساز بکرێت، کە ئەویش بە هۆی پەتای ڤایرسۆی کۆرۆناوەیە، ئامادەکارانی فێستیڤاڵەکە لەبەر ئەو هۆکارە، ڕایانگەیاندووە کە ئەمساڵ هیچ میوانێکی بیانیی بانگهێشت ناکرێت. لە کاتێکدا لە فێستیڤاڵەکانی پێشوودا، نووسەران و وەرگێڕکارانی بەناوبانگی جیهانیی بانگهێشت دەکران.

دەقی بڵاوکراوەکەی فێستیڤاڵی گەلاوێژ

لەژێر دروشمی (ئاسۆ دەدرەوشێتەوە) بڕیارە لە ٢٠-٢٢/٩/٢٠٢٠ بەشێوەی (ئۆنلاین) بیستوسێیەمین فێستیڤاڵی گەلاوێژ سازبکرێت. لە فێستیڤاڵەکەدا جگە لە بەشداربوانی پێشبڕکێی بوارەکانی (لێکۆڵینەوە، چیرۆک، شیعر) و ئەندامانی لیژنەکانی هەڵسەنگاندن، هیچ میوانێک بانگهێشت ناکرێت، چونکە هەموو چالاکییەکانی ئەمساڵ بەهۆی ئەو کەشەی ڤایرۆسی کۆرۆنا خوڵقاندویەتی، بەشێوەی ئۆنلاین بەڕێوەدەچن.
پاش ئەوەی هەموو ئەو بابەتانەی نێردرابوون بۆ فێستیڤاڵی گەلاوێژ، کە بریتیبوون لە (٢٤ لێکۆڵینەوە و ٦١ چیرۆک و ١١٢ شیعر) بەبێ ناوی نووسەرەکانیان ڕادەستی هەرسێ لیژنەی هەڵسەنگاندنی (لێکۆڵینەوە، چیرۆک، شیعر) کران. لە ماوەیەکی دیاریکراودا لیژنەکانی هەڵسەنگاندن، ناونیشانی ئەو بابەتانەیان دەستنیشان کرد کە پەسەندکراوی ئەوانن بۆ ئەوەی بەشداری لە فێستیڤاڵدا بکەن. دوای گەڕانەوەی بابەتەکان و بەپێی ئەو هێمایانەی بۆیان دانرابوو، ناوی نووسەرەکانمان لەگەڵ ناونیشانی بابەتەکانیان دیاری کرد. ئەوەی لە خوارەوە دانراوە، بەرهەمە پەسەندکراوەکانی بیستوسێیەمین فێستیڤاڵی نێودەوڵەتی گەلاوێژە.

شیعر:
١- سەرزەمینی ئەشکەنجە و یادێک لەغەریبەکان- ئیسماعیل سابیر
٢- لە چرۆیەکەوە تا هەڵوەرین- کاروان حاجی
٣- وەرزی هەنجیر- پەخشان عەبدولڕەحمان
٤- دەریا لەچاوی ئەو دەچوو- شوان سەعید
٥- هۆکاری مردن: بێ تۆیی- محەمەد موەفەقی
٦- تاڤییەکا نۆستالژیایێ ل هنداڤ ئاخەکا تێر تەڕم- دیار عەبدولعەزیز
٧- ئاغایزم- پەیام حازم
٨- زێگاری غروبی من- داناز عەبدولڕەحمان
٩- شەرم لەکەس ناکات جەنگ- حسێن لەتیف
١٠- خوێندنەوەی زامێکی نوێ لەدەردێکی سێگۆشەیی- فەرشید ڕۆستەمی
١١- ئەوکاتەی مردن باڵدەگرێ- ئەکرەم هەواس
چیرۆک:
١- باخچەی پۆستاڵەکان- کارزان عەلی
٢- ژنەک د ژوورا جوانکاریێ ڤە- ڕزگار سوبحی
٣- بەداخەوە دۆراس ئەم چیرۆکە ناخوێنێتەوە- ئەحمەد ئەیاد محەمەد
٤- پەنجە- سندی ڕێشاخ
٥- دڵی ناو شووشە- هێمن عوسمان
٦- تالیا- تێکۆشەر خالید
٧- دوو خولەک و پەنجاوسێ چرکە بەکاتژمێرەکەی دەستم- گۆران سەمەد
لێکۆڵینەوە:
١- چەشنناسی پەیوەندی ئەشق و سیاسەت لە وێژەی کوردیدا- د. خالید تەوەکولی- فەرهاد ئەمینپوور
٢- تەنگژەی ڕۆشنگەری.. لە بەربەستی مۆڕاڵەوە بۆ فۆبیای ئەقڵ- کارزان کاوسێن
٣- پرۆسێسا نویکرنا ناڤەرۆکا هەلبەستا کوردی ل ڕۆژئاڤایێ کوردستانێ- ژێهات قادر حەسەن عیدۆ
٤- کاریگەریی ئایدیۆلۆجی لەسەر بەسووژەبوونی تاکی کرد لە پەیوەندی لەگەڵ زمانی دایکیدا- مەزهەر ئیبراهیمی
٥- قورئان لەنێوان زمان و حەقیقەتدا.. خوێندنەوەیەک بۆ هزری موعتەزیلە- غەریب زاهیر غەریب
٦- (غونچەی بەهارستان)ی حوزنی و سەرهەڵدانی گوتاری مێژوونووسانەی کوردی- ئیسماعیل مەحمودی
٧- گۆڕانکارییە هونەرییەکانی ڕۆمانی نوێی مێژوویی لە ڕۆمانی (میرنامە)ی جان دۆستدا- ڕەوەند ڕەقیب ئەحمەد
٨- پەیوەندی نێوان فام و زمان لە ڕوانگەی هێرمنۆتیکی فەلسەفییەوە- عەبدوڵڵا ئەمینی



ئه‌م بابه‌ته 1054 جار خوێنراوه‌ته‌وه‌‌

زۆرترین خوێنراو

  • یەک ڕۆژ
  • یەک هەفتە

Millet copyright 2015 © . All right reserved
Avesta Group and powered by Microsoft Azure