گرنگ
لێپرسراوێكی دیكە لە گەرمیان بە هۆی كۆرۆناوە گیانی لە دەست دا
لیرەی توركی و تمەنی ئێرانی دابەزینی گەورەیان تۆماركرد
به‌ڤیدیۆ... په‌رله‌مانتارێكی‌ عێراقی‌ ئاماده‌یی ده‌ربڕی‌ بۆ تۆڵه‌كردنه‌وه‌ی‌ كوشتنی‌ قاسم سوله‌یمانی‌ له‌ ئه‌مریكا

گفتوگۆ

بۆكان حەسەن: 113 هەزار داتام لە پرۆگرامەكانی وەرگێڕاندا جێگیركردووە

20/08/2020

میللەت - هەڵەبجە

گەنجێكی هەڵەبجەیی زمانی (كوردی ناوەند ) لەوەرگێڕانی مایكرۆسۆفت جێگیر ئەكات، هەوڵەكانیش بۆ بەیەكجارجێگركردنی زمانی كوردی ناوەند بۆ وەرگێڕانی گوگڵ گەشتوەتە قۆناغی كۆتایی.

ئیوارەی رۆژی پێنج شەممە 20ئاب 2020، دوای یەك كاتژمێر لەكۆتایی پێهینانی سیمینارە تایبەتەكەی، كە كۆمپانیانی گوگڵ بۆی ڕێكخستبوو، پەیامنێری (میللەت) لە هەڵەبجە، لەگەڵ ئەو گەنجەیە چاوپێكەوتنێك ئەنجام ئەدات بۆ ئاگاداربوون، لەكۆتا كارەكانی بۆ خزمەتكردن بە زمانی كوردی و جێگریكردنی لە هەردوو پڕۆگرامی وەرگێڕانی (مایكرۆسۆفت و گوگڵ) دا .

میللەت : لەكەیەوە كاری لەبواری وەرگێڕان ئەكەیت و هەوڵدەدەیت لە گوگڵ و مایكرۆسۆفت زمانی كوردی جێگیربكەیت ؟
بۆكان حەسەن : من لە ساڵی (2015) بەبەردەوامی كار لەم چوارچێوەیە ئەكەم چونكە پێم وایە ئەمە گەورەترین خزمەتە كە بتوانم بەزمانی دایك بكەم كە زمانی كوردی ناوەندە  ،هەموو ووڵاتانی دنیا بەم شێوەیە هەوڵدەدەن زمان بپاریزن و وە لەئاست جیهاندا زمانی دایك یان جێگیربكەن لەپرۆگرامەكانی وەرگێڕاندا و بەتیمی زۆرباش كارئەكەن بۆ دەوڵەمەندكردنی زمانەكەیان.

میللەت: باسی كاری گروپت كرد تۆ بەتەنها كار ئەكەیت یان لەگەڵ گروپ ئەم كارە ئەكەیت ؟
بۆكان حەسەن : بەداخەوە من لەساڵی (2015) كاتێك زمانی كوردی ناوەند لە ناوی زمانی كوردی لەزمانی كرمانجی جیاكرایەوە، لەزۆرشوێن و جیگای هەوڵمدەدا كە بەگروپ ئەم كارە بكەین بەڵام بەخت یاوەرم نەبوو هاوكارم نەبوو گروپێك نەبوو لەگەڵمدا لەسەر ئاستێكی باڵا خۆبەخشانە بێتە پێشەوە لەخەمی زمانی كوردی دا بین جێگیری بكەین وزۆرترین ڕستە لەپرۆگرامەمانی وەرگێراندا وەك داتا جێگیر بكەین بۆیە تەنها مامەوە كۆڵم نەدا تا خۆش بەختانە لەهەوڵەكانم بێ هیوا نەبووم تاوەك ئێستا توانیومە (113) هەزار داتا وەرگێرانی بۆبكەم و بەرەسمی جێگیربكەم لەپرۆگرامەكانی وەرگێڕان.

میللەت : لە چ پرۆگرامێكی وەرگێران لەئێستادا زمانی كوردی كاراكراوە بۆ وەرگێڕان ؟
بۆكان حەسەن : خۆشبەختانە دوای هەوڵەكانم لەماوەی چەند ساڵی پێشوو دا، رۆژی 18 ئاب ی2020 هەوڵەكانم سەركەوتوو بوو، بەیەكجاری زمانی كوردی هاوشانی زیاتر لە 70 زمانی جیهانی لەپرۆگرامی وەرگێرانی (Microsoft Translator) جێگیركرا لە ئێستا هەر هاووڵاتیەك  دەتوانیت لەو پرۆگرامە زمانی شیرینی كوردی بۆ (70) زمانی جیهان وەربگێڕیت وە بەپێچەوانەشەوە، هەوڵەكانیشم بەردەوامە لەدەوڵەمەندكردن و باشتركردن و جێگیركردنی داتای زیاتر .

میللەت : لەپرۆگرامی گۆگڵ كە زۆرترین خەونی تۆ ئەوەیە لەو پرۆگرامە  وەرگێرانەدا زمانی كوردی جێگیربكەیت بەكوێ گەشتوە؟
بۆكان حەسەن : خۆشبەختانە من پەیوەندیەكی زۆرباشم لەگەڵ كۆمپانیای گوگڵ هەیە، بەشێوەیە من كە لەساڵی (2015) ەوە كە كارئەكەم لەكۆمەڵەی گوگڵ توانیومە بگەمە پلەی كاریگەر، یەكەمین گەنجی كوردم بەهەوڵەكانم بگەمە ئەو پلەیە، وە خۆشبەختانە جێگركردنی زمانی كوردی ناوەند لەپرۆگرامی وەرگێرانی گوگڵ دا گەشتوەتە قۆناغی كۆتایی  و لە ئێستادا دەتوانن وەرگێڕان لە زمانی کوردی ناوەندییەوە بۆ زیاتر لە ١٠٠ زمان بکەن، وە بەڵێنیان پیداوە کە بیکەنە زمانێکی سەربەخۆ لە ئایندەیەکی نزیکدا.

میللەت : باست لەپلەی كاریگەر كرد لەكۆمپانیای گوگڵ پێت بەخشراوە لەسەر ئاستی جیهان بۆگەنجێك وەك تۆ ئەم پلەیە كەم نیە ،هیچ كات هەوڵدراوە بەفەرمی ئەو كۆمپانیا گەورەیە تۆبانگهێشت بكات.
بۆكان حەسەن : من یەكەمین گەنجی كوردم لەسەر ئاستی جیهان كۆمپانیای گوگڵ بەرەسمی سوپاسنامەی خۆی پێ بەخشیوم و خەلاتی كردووم هاوكات بانگهێشتی رەسمی كراوم بۆ رۆشتم بۆ بارەگای سەرەكی گوگڵ مانەوەم بۆماوەی (4) رۆژ، ئەمەش وەك گەنجێكی كاریگەر لەپای ئەو هەوڵەبەردەوامانەم كەلەم پرۆگرامەیە بەگەڕمخستووە، بۆیە بەڵێ كۆمپانیای گوگڵ زۆر پێزانینی هەیە بەرامبەر كارەكانم بەجۆرێك ئێستا بەنمونەی گەنجی بەتوانا من لەسەر ئاستی (100) كەسایەتی كاریگەر ناساندوەو ئەمڕۆش (20ئاب ) لەم چوارچێوەیەدا سیمنارێكی بۆ ڕێكخستم تاوەك بەهەموو ئەو كەسانە بڵێت پێوستە وەك (بۆكان حەسەن ) كاربكەن لە داخڵكردنی داتا و جێگیركردنی زمان .

میللەت : لەسەر ئاستی هەرێمی كوردستان ئایا حكومەتی هەرێم وەك كۆمپانیای گوگڵ توانیوەیەتی پێزانینی هەبێت بۆ ئەم كارەی تۆ؟
بۆكان حەسەن : بەداخەوە تاوەك ئێستا من نەك سوپاس نەكراو م، بەلكو هیچ هاوكاریەكیش نەكراوم  ئەوە جێگەی داخە كە لەئاست ناوخۆدا ئەم كارەی من تاوەكو ئێستا بەكارێكی پیرۆز یاخود بەجێ سەیرنەكراوە ،هاوڕێكانم لەسەر ئاستی جیهان كەكاری وەرگێڕان ئەكەن بۆنمونە من كەپلەی یەكەمم هەیە لەگروپی خۆمدا پلەی دووەمی گروپەكەی من كەسێكی هندی یە هەموو خزمەتێكی لەلایەن حكومەتەكەی خۆیەوە پێ كراوە بۆخوێندن نێدراوەتە دەرەوە هەموو ئاسانكاریەكی بۆكراوە خزمەت ئەكرێت وە لێ ی دەپرسنەوە و خزمەتی ئەكەن هێشتا لەپلەی دووەمدایە من بەبێ هیچ خزمەتێك تەنها خەمی من خەمی نیشتمان وزمانەكەمە توانیومە سەرباری لەبەرچاوگرتنی ئەو هەمووجیاوازیەش من پلەی یەكەمم هەیە .

بۆکان حەسەن ئەحمەد دەرچووی زمانی ئینگلیزی زانكۆی سلێمانییە  لە ساڵی 2016 کاری بۆ دانانی کیبۆردی کوردی کرد بۆ کیبۆردی جیبۆرد کە هی گوگڵە، دواتر کاری بۆ دانانی زمانی کوردی کردووە لە کۆمەڵگەی گوگڵ، دواتر کاری بۆ دانانی زمانی کوردی ناوەندی کردووە لە کراودسۆرس لە بەرواری ٣١-٠٥-٢٠١٩ کردووە کە بەرنامەیە جهانی گوگڵە، کاری بۆ چارەسەرکردنی چەندین کێشەی کیبۆردی کوردی کردووە، نزیکەی 113 هەزار وەرگێڕانم بۆ زمانی کوردی ناوەندی، بۆ دانانی کیبۆردی کوردی کردووە لە سویفتیکی کە تایبەتە بە مایکرۆسۆفت بۆ سیستەمی ئەندرۆید، کاری بۆ دانانی زمانی کوردی ناوەندی کردووە لە وەرگێڕی مایکرۆسۆفت کە رۆژی 18ئاب 2020 بە فەڕمی دانرا لەلایەن کۆمپانیای مایکرۆسۆفت، دوای چەندین ساڵ هەوڵ تێکۆشان..

 


ئه‌م بابه‌ته 6394 جار خوێنراوه‌ته‌وه‌‌


زۆرترین خوێنراو

  • یەک ڕۆژ
  • یەک هەفتە

Millet copyright 2015 © . All right reserved
Avesta Group and powered by Microsoft Azure