X
ئ|

دوو سه‌ركه‌وتن و شكستێك بۆ برایه‌تی بوو

وەرزش

پێش 3 هەفتە     202 ژمارەی خوێندراو
Alternate Text



پاش ئه‌وه‌ی له‌ ده‌ستپێكی یارییه‌كانی قۆناغی بژارده‌ی خولی تۆپی سه‌رمێزی یانه‌ نایابه‌كانی عێراق و له‌ یاری جه‌وله‌ی یه‌كه‌م توانی به‌ ئه‌نجامی (3-2) یانه‌ی ئه‌كادی هاوشاری دووچاری شكست بكات، ئێواره‌ی ئه‌مڕۆ یانه‌ی برایه‌تی دوو یاری تری ئه‌نجامداو له‌ یه‌كیان براوه‌ و ئه‌وی تریشیان شكسته‌به‌ش بوو.

سه‌ره‌تا له‌ یاری جه‌وله‌ی دووه‌م یانه‌ی برایه‌تی رووبه‌رووی یانه‌ی پێشمه‌رگه‌ی سلێمانی میوانداری خوله‌كه‌ بوو، دوای ركابه‌رییه‌كی به‌هێز یارییه‌كه‌ به‌ ئه‌نجامی (3 - 1) به‌سوودی یانه‌ی پێشمه‌رگه‌ی سلێمانی ته‌واو بوو.

دواتر و له‌ یاری جه‌وله‌ی سێیه‌م یانه‌ی برایه‌تی رووبه‌رووی یانه‌ی (جه‌یش) ـی سێیه‌می وه‌رزی رابردووی خوله‌كه‌ بوویه‌وه‌و ئه‌م یارییه‌ به‌ ئه‌نجامی (3 - 1) به‌سوودی یاریزانانی یانه‌ی برایه‌تی ته‌واو بوو.

وابریاریشه‌ سبه‌ی یانه‌ی برایه‌تی له‌ جه‌وله‌ی چواره‌می خۆی رووبه‌رووی یانه‌ی (ختوت) ببێته‌وه‌و دواتریش له‌ جه‌وله‌ی پێنجه‌م رووبه‌رووی یانه‌ی (توز) یاری بكات.

ڕاگه‌یاندنی یانه‌ی وه‌رزشی برایه‌تی

هەواڵی زیاتر