X
ئ|

پارتی زوو زوو بیردەچێتەوە كە پەتی درۆ زۆر كورتترە لەوەی چاوەڕێی دەكات

سۆشیال میدیا

پێش 2 هەفتە     4655 ژمارەی خوێندراو
Alternate Text


میدیای پارتی و بە تایبەتیش كەناڵەكەی "تەصەور بارزانی" هەموو هەوڵێكیان خستووەتەگەڕ بۆ سپیكردنەوەی رووی خۆیان لە ئاست ئەو نەهامەتییەی لە 16ی ئۆكتۆبەردا بە هۆی ریفراندۆمەوە بەسەر كەركوك و ناوچە كوردستانییە دابڕێندراوەكانیان هێنا و كاریش گەیشتووەتە ئەوەی درۆ بە ناوی سەركردەكانی یەكێتییەوە داتاشن.

كەناڵی "K24" لە هەواڵێكدا كە بە حسابی خۆی وەڵامی راگەیەندراوەكەی مەكتەبی سیاسی یەكێتی داوەتەوە سەبارەت بەوەی یەكێتی لە پێناو پاراستنی كەركوك لە كاولكاری و بە فەرمانی فەرماندەی هێزەكانی 70 كشاوەتەوە.

كەناڵەكەی پارتی نووسیوێتی "جەعفەر شێخ مستەفا، كە فەرماندەی هێزەكە بوو بێئاگایی خۆی لە بڕیاری كشانەوە دەربڕی"، بەڵام ئەمە لێدوانی ڤیدیۆیی شێخ جەعفەر كە دەڵێت لە پێناو پاراستنی پێشمەرگە لە شەڕێكی نابەرامبەر و بە راوێژ لەگەڵ فەرماندە مەیدانییەكان بڕیاری كشانەوەیان داوە.

دیارە كەناڵەكەی "مەسرور بارزانی"یش "تەصەوری نەدەكرد" پەتی درۆ هێندە كورت بێت، هەروەكو چۆن خاوەنەكەیان كە لەگەڵ ئەوەی سەرۆكی ئەنجومەنی ئاسایشی هەرێم بوو كە دەزگایەكی ئەمنییە و دەبوو هەموو جوڵەیەكی لەسەر بنەمای زانیاری و لێكۆڵینەوەی ورد بێت، دوای كەتنی ریفراندۆم هاتە سەر شاشەكانی تەلەفزیۆن و دەیگوت: "تەصەورمان نەدەكرد حكومەتی عێراق بەو شێوەیە مامەڵەمان لەگەڵ بكات... تەصەورمان نەدەكرد كاردانەوەكان بەو جۆرە بن".