X
ئ|

لیژنه‌كانی قائیمقامیه‌تی سلێمانی داوایه‌ك ئاراسته‌ی خانمان ده‌كه‌ن

هەواڵی کوردستان

3 رۆژ پێش ئێستا     153 ژمارەی خوێندراو
Alternate Text

میلله‌ت
به‌هۆی به‌سه‌رچونی ماوه‌كه‌یانه‌وه‌ و نه‌شیاوی بۆ به‌كارهێنان، لیژنه‌ هاوبه‌شه‌كانی قائیمقامیه‌تی سلێمانی ده‌ست به‌سه‌ر ژماره‌یه‌كی زۆر بۆیه‌ی ره‌نگكردنی قژی خانماندا ده‌گرن و داوا له‌ خانمان ده‌كه‌ن له‌كاتی كڕین وبه‌كارهێنانی مادده‌ جوانكارییه‌كاندا، به‌وردی سه‌رنج له‌ به‌رواری دروستكردن و ماوه‌ی به‌سه‌رچوونی بده‌ن.

به‌پێی راپۆرتی لیژنه‌ی ئارایشتگاكانی قائیمقامیه‌تی سلێمانی كه ئه‌مڕۆ یه‌كشه‌ممه‌،‌ ئاراسته‌ی لیژنه‌ی باڵای قائیمقامیه‌ت كراوه‌ رایگه‌یاندوه‌: به‌هۆی به‌سه‌رچونی ماوه‌كه‌یانه‌وه‌ و نه‌شیاوی بۆبه‌كارهێنان، لیژنه‌كه‌ ده‌ستی به‌سه‌ر زیاتر له (150) پارچه‌ بۆیه‌ی ره‌نگكردنی قژی خانمان له‌جۆری (KEUNE)دا له‌ كۆگاكانی فرۆشتنی جوانكاری خانمان له‌شاری سلێمانی گرتوه‌‌.

به‌پێی رێنماییه‌ ته‌ندروستیه‌كان، له‌به‌ر ئه‌وه‌ی ئه‌و جوانكاریانه‌ پێكهاته‌ سه‌ره‌كیه‌كه‌یان مادده‌كیمیاییه‌كانه‌، له‌كاتی به‌سه‌رچوونیدا مادده‌كانی ده‌گۆڕیت بۆ پێكهاته‌ی زیان به‌خش و زیان به‌ پێست و ته‌ندروستی به‌كارهێنه‌ره‌كانی ده‌گه‌یه‌نێت، بۆیه‌ له‌لایه‌ن لیژنه‌كه‌وه‌ ده‌ستی به‌سه‌ردا گیراوه‌.

لیژنه‌ی ئارایشتگای قائیمقامیه‌تی سلێمانی‌ داوا له‌خانمان ده‌كات: له‌كاتی كڕین وبه‌كارهێنانی مادده‌ جوانكارییه‌كاندا، به‌وردی سه‌رنج له‌ به‌رواری دروستكردن و ماوه‌ی به‌سه‌رچونی بده‌ن، پاشان به‌كاریبهێنن، له‌هه‌رشوێنێكیش كاڵاوشمه‌كی ماوه‌به‌سه‌رچویان بینی له‌ڕێی (07708677777) په‌یوه‌ندی به‌لیژنه‌ هاوبه‌شكانی قائیمقامیه‌تی سلێمانیه‌وه‌ بكه‌ن.

به‌فه‌رمانی قائیمقامی سلێمانی و له‌لایه‌ن لیژنه‌ی له‌ناوبردنی سه‌ربه‌لیژنه‌ هاوبه‌شه‌كانه‌وه‌ ته‌واوی بۆیه‌كانی ره‌نگكردنی قژی خانمان له‌ناوده‌برێت و ئه‌و شوێنانه‌شی بۆیه‌كانی تیادا گیراوه‌ خاوه‌نه‌كانیان روبه‌ڕوی رێكاری یاسایی ده‌كرێنه‌وه‌.


هەواڵی زیاتر