X
ئ|

سلێمانی؛ پەردە لەسەر پەیكەری شاعیری گەورەی كورد موفتی پێنجوێنی لادرا

فەرهەنگ

پێش 3 هەفتە     186 ژمارەی خوێندراو
Alternate Text

میللەت
بە ئامادەبوونی وەزیری رۆشنبیری و لاوان، لە سلێمانی پەردە لەسەرپەیکەری شاعیری گەورەی کورد موفتی پێنجوێنی لادرا.


ئەمڕۆ لەبەردەم كتێبخانەی گشتی سلێمانی پەردە لەسەر پەیکەری شاعیری گەورەی كورد موفتی پێنجوێنی لادرا كە لەسەر ئەرکی وەزارەتی رۆشنبیری و لەلایەن پەیکەرساز چێنەرنزارەوە دروستکراوە.

لەو رێوڕەسمەدا حەمەی حەمەسەعید وەزیری رۆشنبیری تیشکی خستە سەر رۆڵی ئەدەب و رۆشنبیری و شاعیر و ئەدیبانی كورد و رایگەیاند پێویستە هەموان رێزلەو مێژوو هەوڵ و تێکۆشانەی نوسەران وئەدیبان بگرین.

وتیشی :موفتی پێنجوێنی یەکێکە لەشاعیرە دیار و گەورەکانی ناو ئەدەبی کوردی و نوسین و شیعرەکانی زادەی بیرو هۆشمەندی شاعیرە، شاعیری پێشکەوتنخوازو خەمی کۆمەڵگەو رۆشنگەری لەکۆڵناوە بە شیعرە بەرزەکانی هەمیشە ویستویەتی کۆمەڵگە بەرەو خوێندن وخوێندەواری بڕوات هەربۆیە ئەمڕۆ پەردە لەسەر پەیکەری شاعیر لادەدەین.