X
ئ|

ئەنجومەنی سەرکردایەتی یەکێتی پەیڕەوێکی بۆ پرسی لامەرکەزیەت پەسەندکرد

هەواڵی کوردستان

پێش 2 هەفتە     1438 ژمارەی خوێندراو
Alternate Text

میللەت
لە كۆبوونەوەی ئەنجومەنی سەركردایەتی یەكێتیدا پەیڕەوێك بۆ پرسی لامەركەزیەت لە هەرێمی كوردستان پەسەند كرا.


ئەمڕۆ لە رۆژی شەهیدانی یەکێتیی نیشتیمانیی کوردستان کۆبوونەوەی ئەنجومەنی سەرکردایەتی بەسەرۆکایەتی بافڵ تاڵەبانی و لاهور شێخ جەنگی هاوسەرۆكانی یەكێتی بەڕێوەچوو.

سەرەتای کۆبوزنەوەکە بە ساتێک وەستان بۆ گیانی پاکی شەهیدانی یەکێتیی نیشتیمانیی کوردستان دەستی پێکرد و پاشان 21 مۆم وەک گوزارشت لە رێز و وەفا بۆ رۆحی پاکی شەهیدان داگیرسا. 

پاشان لە کۆبوونەوەکە دوا گۆڕانکاری و پێشهاتەکانی هەرێم وبەغدا تاوتوێکرا و باس لەپرسی مووچەی فەرمانبەرانی هەرێمی کوردستان کرا.

تەوەرێکی تری کۆبوونەوەکە تاووتوێکردنی پرسی لامەرکەزییەت بوو کە پەیڕەوێک ئامادەکراوە و بڕیار وایە کۆبوونەوەی لایەنە سیاسیەکان لەبارەیەوە ئەنجام بدرێت.

هەر لەوکۆبوونەوەیەدا لاهور شێخ جەنگی باسی لەسەردانەکەی کرد بۆ بەغدا و ناوەڕۆكی کۆبوونەوەکانی بۆ ئەندامانی سەركردایەتی روونکردنەوە و ئەوەشی خستەڕوو كە یەکێتی نیشتیمانیی لەگەڵ تەبایی و برایەتی دایە و دەبێت پرسی مووچە بە سیاسی نەکرێت.

لە دوا تەوەری كۆبوونەوەكەشدا ئەندامانی سەرکردایەتی یەكێتی گفتوگۆیان لەسەر پرسی ناوخۆی حزبەكە كرد.