X
ئ|

پرسیارەکانی ئینتیحانی پۆلی حەوت

سۆشیال میدیا

7 رۆژ پێش ئێستا     292 ژمارەی خوێندراو
Alternate Text

بیرکاری:  ئەگەر  لە کۆی چوار گومرگ، دوانیان بۆ برا گەورە بێ' چەند گومرگ بۆ براکانی تڕی دەمێنێتەوە؟

کوردی: لەم وشانەی خوارەوەدا کام وشە لە گەڵ وشەکانی تردا ناگونجێت؟
(کورد، تەزبیح، دەوڵەتداری، نێرەکەری)

مێژوو: کام جەنگە مایەی شانازیی کوردە؟
(چاڵدێران ، شەڕەکەو، شەڕی ناوخۆ، ھەڵتۆقاندنی ناوچەوانی پەڕلەمانتار )

مەنتیق: بەپێی چ مەنتیقێک حکومەتی  ھەرێم  نەوتەکە تەسمیلی بەغا ناکات؟
(مەنتیقی ئەرەستوو، بەئارەزوو، مەنتیقی ھەچەی دێز ،مەنتیقی طەیر)

جوگرافیا: ئەو گەڕیدە نەبەزە کێ بوو کە دوو جار گەشتی کرد بە دەوری ھەموو حیزبەکانی  کوردستاندا؟

ئای تی:چ بیرمەندەندێکی جیھانییە کە ئەگەر لە گووگڵدا سێرچ بۆ ناوەکەی بکەی ترۆزی دەر ئەچێ  ؟

ئەستێرەناسی: زەوی چەند جار بەدەوری خۆردا بسوڕێتەوە مەعاش ئەدرێ؟

ھونەر و ئیشی دەست: تێکڕای تەحەمولکردنی گۆرانیی تازەی کوردی چەند خولەکە؟

فەلسەفە: ئاودەستی غەربی چ کاریگەرییەکی ھەیە لەسەر  ئەقڵی شەرقی؟

کیمیا: دەگمەنترین کانزا لە ناوچەکەدا چی یە(وێرانیۆم، ویژدان، غیرەت، ئەقڵ)

زیندەوەرزانی: کێ لە شای دارستان موھیمترە؟
(سەرکۆماری بیابان، نۆردۆم ڕیفراندۆم، شاجوانی حیزب، سیسارکە ڕێوی)

جیۆلۆجی: ترسناکترین چین لە چینەکانی گۆی زەوی تیجاری دیاری بکە
( چینی ئۆزۆن، چینی کرێکار، چینی ماچین، چینی و فەخفوری)!

ئابوری: ئەم ڕستەیە تەواو بکە
ماڵی دنیا........
(لە دەست ھەشت نۆ بنەماڵەدایە، بەقوربانی سیحەتی خۆت بێ، بەشی مەعاشی ھەرێم ناکات، چڵکی دەستە).

 

د. شێرکۆ عەبدوڵا