X
ئ|

موعارەزەم

سۆشیال میدیا

6 رۆژ پێش ئێستا     230 ژمارەی خوێندراو
Alternate Text

 

دکتۆر شێركۆ عەبدوڵڵا

خەتاتێكی بێ ئومێدم
ژاکانێکی پڕ عوبێدم
پاقلاوەچیم و شەکرەمە
ئوستازێکم بێ مەلزەمە
ئیڕھابی ناو پەڕلەمانم
لینایەکی بێ عەدنانم
من عادەیەکی دواکەوتووم
گەورە حیزبێکی لێ کەوتووم
بەری داری سنەوبەرم
دیموکراسییەکەی ئەوبەرم
قەرزێکم لای قەرزکوێرم
بێشکەیەکی بێ بلوێرم
کەنارییەکم ناخوێنم
شیعرێکم ھەست نابزوێنم
نەوتێکم داھاتم سفرە
بروسکەیەکم بێ جفرە
گردێکم مەسئول نایەوێم
مەوقیفێکم دائەوەشێم
سەرێکم و ھەزار سەودا
عەدالەتم بەس لە خەودا
شاری مەتعەم و کافتریام
کۆمەڵناسێکی زۆر تەنیام
ھەقایەتی گوڕنەتەڵەم
زستانی وشکی بێ پەڵەم
میللەتێکی لەت و پەتم
مێژوویەکی خەجاڵەتم
تاتووی سەرقۆڵ و لاڕانم
گەنجێکی رێی ھەندەرانم
جانتای بەتاڵی شاندەکەم
موعارەزەم
بەڵام شەریکی باندەکەم

د. شێرکۆ عەبدوڵا