X
ئ|

پزیشكه‌ تایبه‌ته‌كه‌ی بن لادن به‌ ئازادی له‌ له‌نده‌ن ده‌سووڕێته‌وه‌

کراوەیی ئیسلامی

5 رۆژ پێش ئێستا     356 ژمارەی خوێندراو
Alternate Text

میلله‌ت

پزیشكه‌ تایبه‌ته‌كه‌ی ئوسامه‌ بن لادن، سه‌ركرده‌ی پێشووی رێكخراوی قاعیده‌ی تیرۆرست به‌ناوی عادل عه‌بدولباری دوای ئازادكردنی ئێستا له‌ له‌نده‌نی پایته‌ختی به‌ریتانیا له‌ كۆشكێكی گرانبه‌هادا ده‌ژی.


عادل عه‌بدولباری، ته‌مه‌نی 60 ساڵه‌ و مانگی رابردوو ئه‌مریكا ئازادی كرد و هۆكاره‌كه‌شی ئه‌وه‌ بوو كه‌ عه‌بدولباری توانیویه‌تی به‌بیانوی ئه‌وه‌ی قه‌ڵه‌وه‌ و كێشی زۆره‌ و به‌ده‌ست نه‌خۆشیی ته‌نگه‌نه‌فه‌سییه‌وه‌ ده‌ناڵێنێت و ناكرێت له‌ زینداندا بمێنێته‌وه‌ و تووشی كۆرۆنا بێت، ره‌زامه‌ندیی دادگای بۆ ئازادكردنی وه‌رگرتووه‌.

ماڵپه‌ڕی ده‌یلی مه‌یڵی به‌ریتانی ئاشكرایكردووه‌ كه‌ دوای ئازادكردنی عه‌بدولباری هاتووه‌ته‌ له‌نده‌ن و به‌ ئازادی ده‌ژی و له‌ كوشكێكی گرانبه‌هادا ژیان ده‌گوزه‌رێنێت كه‌ به‌هاكه‌ی ده‌گاته‌ یه‌ك ملیۆن پاوه‌ند و كۆشكه‌كه‌ ده‌كه‌وێته‌ ناوچه‌ی مادیا ڤه‌یڵ له‌ باكوری رۆژئاوای له‌نده‌ن.

پۆلیسی به‌ریتانیا به‌دوای بیانوویه‌كی یاساییدا ده‌گه‌ڕێت بۆ بۆ كۆتوبه‌ندكردنی پزیشكه‌كه‌ی بن لادن و ده‌ڵێت كه‌ چاودێریكردنی ئه‌و تیرۆرسته‌ ساڵانه‌ 400 هه‌زار پاوه‌ندی ده‌وێت و ده‌شبێت بۆ چه‌ند ساڵێك چاودێری بكرێت.

عه‌بدولباری به‌ تۆمه‌تی تێوه‌گلان له‌ هێرشی سه‌ر هه‌ردوو باڵیۆزخانه‌ی ئه‌مریكا له‌ كینیا و ته‌نزانیا كه‌ له‌ ساڵی 1998 ئه‌نجامدرا و 224 كه‌سی تێدا مردن، به‌ 22 ساڵ زیندانی له‌ ئه‌مریكا سزا درابوو.