X
ئ|

ڤیدیۆ: بزووتنەوە: پارتی بەرپرسی یەکەمە لە حوکمڕانی و بژێوی و ژیانی خەڵک

کراوەیی ئیسلامی

3 رۆژ پێش ئێستا     122 ژمارەی خوێندراو
Alternate Text

 

میللەت


کارگێڕی مەکتەبی سیاسی بزووتنەوەی ئیسلامی کوردستان ڕایدەگەیەنێت، کە لە سەردانەکەی وەفدەکەی پارتی بۆ لای بزووتنەوە ڕاشکاوانە بە وەفدەکەیان ڕاگەیاندووە، کە " راشکاوانە پێمان وتن کە بەرپرسیارێتی یەکەم لە ئەستۆی پارتییە لە پرسی حوکمڕانی و بژێوی و ژیانی خەڵک".


عەبدوڵا وەرتی کارگێڕی مەکتەبی سیاسی بزووتنەوەی ئیسلامی دوای سەردانەکە بە ڕۆژنامەنووسانی ڕاگەیاند، کە "ئامانجی سەردانی مەکتەبی سیاسی پارتی بۆ لای بزووتنەوە باس لە بارودۆخی کوردستان و پەیوەندی نیوان بەغدا و هەرێم و وەرگرتنی بیروڕای حزبەکان لە سەر چۆنێتی بەڕێوەبردنی حوکمڕانی و پەیوەندی لەگەڵ بەغدا و بابەتە سیاسییەکان بووە".

بە وتەی وەرتی "ئێمە وەک بزووتنەوەی ئیسلامی راشکاوانە پێمان وتن کە بەرپرسیارێتی یەکەمی پرسی حوکمڕانی و بژێوی ژیانی خەڵک لە ئەستۆی پارتییە." لە درێژەدا زیاتر وتی "لە هەمان کاتدا پێمان وتن کە پێویستە حکومەتی هەرێمی کوردستان بە زووترین کات پرۆسەی چاکسازی جێبەجێ بکات و هەوڵ بدات بۆ بنەبڕ کردنی گەندەڵی و سزادانی گەندەڵکاران."

بە وتەی وەرتی، پارتی داوای لێنەکردوون کە لیستی هاوبەش پێکبێنن بۆ هەڵبژاردنەکانی عێراق.