X
ئ|

ڕاگەیاندراوێك لە قایمقامیەتی سلێمانییەوە

هەواڵی کوردستان

3 رۆژ پێش ئێستا     165 ژمارەی خوێندراو
Alternate Text

میللەت 
قایمقامیەتی سلێمانی ڕایدەگەیەنێت بەهۆی بوونی بەرواری ئێرانی , لیژنەكانی قایمقامیەت دەستیان بەسەر بڕێكی زۆر پرۆتینی وەرزشییدا گرت.

 

 سەفین فەتاح سەرۆكی لیژنەی هۆڵە وەرزشییەكانی سەر بە لیژنە هاوبەشەكانی قایمقامیەتی سلێمانی ڕایگەیاند لە ئەنجامی سەردان و بەدواداچوونەكانیان بۆ هۆڵەكانی وەرزشكردن و دوكانەكانی فرۆشتنی پێداویستیە وەرزشییەكان و بوونی بەرواری ئێرانی لە چەند شوێنێك لیژنەكە دەستی بەسەر "51"كارتۆن پرۆتینی وەرزشی لەشجوانیدا گرتووە.

 

ئاماژە بەوەكراوە بەگوێرەی ڕێنماییەكانی وەزارەتی بازرگانی عێراق پێویستە ئەو كاڵاوشمەك و خواردەمەنیانەی هاوردە دەكرێن و لەبازاڕەكاندا دەفرۆشرێن بەروارەكەیان ستانداردبێت و بەشێوەی لێزەر لەسەر دەفرەكەیان هەڵكۆڵرابێت لەگەڵ بوونی لێبڵ كە تەواوی زانیاریی سەبارەت بە پێكهاتەكەیان لەخۆگرتبێت.

 

ئەوەش خراوەتەڕوو سەرجەم بازرگان و فرۆشگاكان ئاگاداركراونەتەوە لە بوونی كاڵاوشمەكی بێ بەروار ,دوو بەروار و بەرواری ئێرانی یاخود بەروارەكان نابێت بەئاسانی بسڕێنەوە كەسەرجەمیان فرۆشتنیان قەدەغەیە. 

 

ووتیشی دوای دەست بەسەراگرتنیان لەلایەن لیژنەی لەناوبردنی قایمقامیەتەوە لەناودەبرێت و خاوەنەكانیشیان رووبەڕووی ڕێكاری یاسایی دەكرێنەوە.