X
ئ|

خه‌ڵكی بلوجستانی ئێران خۆپیشاندانیان كرد و پاسداران 10 كه‌سی لێ كوشتن

هەواڵی ڕۆژهەڵاتی ناوەڕاست

7 رۆژ پێش ئێستا     452 ژمارەی خوێندراو
Alternate Text

میلله‌ت

ئه‌مڕۆ سێشه‌ممه‌ له‌ ناوچه‌ی بلوجستانی ئێران خۆپیشاندان دژی كوژرانی 10 كه‌س ئه‌نجامدرا كه‌ به‌ گولـله‌ی سوپای پاسدارانی ئێران كوژراون، ئه‌و كه‌سانه‌ ناڕه‌زاییان ده‌ربڕیبوو له‌وه‌ی رێگه‌یان پێ نه‌دراوه‌ له‌ ناوچه‌ سنوورییه‌كان سووته‌مه‌نی بگوازنه‌وه‌.

له‌ خۆپیشاندانه‌كه‌دا، سوپای پاسداران به‌ گولـله‌ وه‌ڵامی هاوڵاتیانی ناڕازیی ناوچه‌ی سه‌راوانیان له‌ پارێزگای بلوجستان دایه‌وه‌ و ته‌قه‌ی له‌ 15 كه‌س كرد، به‌هۆیه‌وه‌ 10 كه‌سیان مردن و ئه‌وانی تر به‌ سه‌ختی برینداربوون.

دوای ئه‌و رووداوه‌ش خۆپیشاندان درێژه‌ی كێشا و خه‌ڵكه‌ ناڕازییه‌كه‌ قایمقامیه‌تی سه‌راوانیان داگیر كرد و چوونه‌ ناویه‌وه‌ و هەروەها ئۆتۆمبیلێکی پۆلیسیشیان سووتاند.