X
ئ|

ئەوقافی هەرێم ڕێکارەکانی شەوانی قەدری بۆ مزگەوتەکان ڕاگەیاند

کراوەیی ئیسلامی

پێش 3 هەفتە     399 ژمارەی خوێندراو
Alternate Text

میللەت
وەزارەتی ئەوقاف و كاروباری ئایینی لە ڕاگەیەنراوێكدا ڕێنماییەكانی شەوانی قەدری ڕاگەیاند و ئاماژە بۆ ئەوە دەكات، دەست نوێژ لەماڵەوە ئەنجام دەدرێت، نوێژخوێنان بەرماڵی تایبەت لەگەڵ خۆیان دەھێنن و دووری نێوانیان رەچاو بكرێ لە مەترو نیوێك تا دوو مەتر.


ئەمەی خوارەوە دەقی راگەیانراوەکەیە

بەناوی خوای گەورەو میھرەبان

مامۆستایانی ئایینی بەڕێزو نوێژ خوێنانی خۆشەویست

ئاماژە بە بەیانی ژمارە(١٧)ی ساڵی ٢٠٢١ ی لێژنەی باڵای بەرنگاربوونەوەی ڤایرۆسی كۆرۆنا لەپێناو پاراستنی تەندروستی و گیانی نوێژخوێنان بۆشەوی قەدری پیرۆز بریارماندا بە دەرچوواندنی ئەم رێنماییانە.

یەكەم : شەوی قەدری پیرۆز لەكاتژمێر ١٢ شەو تاكو ئەنجامدانی نوێژی بەیانی مزگەوتەكان كراوە دەبن.

دووەم : مەرجە ھەموو كەسێك لەناو مزگەوت ماسك ببەستێ.

سێیەم : دەست نوێژ لەماڵەوە ئەنجام دەدرێ ، نوێژ خوێنان بەرماڵی تایبەت لەگەڵ خۆیان دەھێنن و دووری نێوانیان رەچاو بكرێ لە مەترو نیوێك تا دوو مەتر.

چوارەم: خواردن و خواردنەوە پێشكەش ناكرێ

پێنجەم: پاراستنی پاك و خاوێنی ناو مزگەوت بەگشتی

شەشەم: لەكاتی بوونی سەرپێچی، دەسەڵات دەدرێتە ئەوقافەكان بۆ جێبەجێكردنی رێكارەكانی كارگێری و یاسایی بەرامبەر سەرپێچیكاران

حەوتەم: بەرێوەبەرایەتی گشتی ئەوقافی پارێزگاكان و ئەوقافی قەزاكان بەدواداچوونی بەردەوام بۆ جێبەجێ كردنی رێنمیایەكان دەكەن

ھەشتەم: دەزگاكانی راگەیاندن دوای ( ڕێپێدانی ئەوقافی پارێزگا ) دەتوانن روماڵی شەوی قەدر لەمزگەوتەكان بكەن

نۆیەم: ئەم رێنمایانە لەشەوی قەدری پیرۆز لەلایەن مامۆستای ئایینی مزگەوت و نوێژخوێنان وەك خۆی جێ بەجێ دەكرێن

هەواڵی زیاتر

هەواڵی ڕۆژهەڵاتی ناوەڕاست 2 کاتژمێر پێش ئێستا

ئەنجومەنی ئاسایش بۆ تاووتوێكردنی ڕەوشی فەڵەستین كۆدەبێتەوە

هەواڵی کوردستان 2 کاتژمێر پێش ئێستا

خوێندنی ناو پۆل دەستیپێكردەوە

هەواڵی کوردستان 2 کاتژمێر پێش ئێستا

هاووڵاتییەك بە دەستی براكەی كوژرا