X

خۆپیشاندەران بە مەنجەڵی بەتاڵەوە داوای دەستلەكاركێشانەوەی ئەردۆغان دەكەن

هەواڵی ڕۆژهەڵاتی ناوەڕاست

پێش 1 هەفتە     332 ژمارەی خوێندراو
Alternate Text

میللەت
بە هۆی دابەزینی بەهای لیرەی توركییەوە، خۆپیشاندانێك لە ئەنقەرەی پایتەختی توركیا و چەند شارێكی دیكە بەڕێوەچوو و تێدا داوای دەستلەكاركێشانەوەی پارتی داد و گەشەپێدانی فەرمانڕەوای وڵاتەكەیان كرد.


دابەزینی بەهای لیرە بەردەوامە و دوێنێش 100 دۆلاری ئەمریكی گەیشتە 1347 لیرە، ئەمەش ناڕەزایی هاووڵاتییان توركیای لێكەوتووەتەوە.

شەوی ڕابردووش لە چەند شارێكی توركیا لە نێویشیاندا ئەنقەرەی پایتەخت، ئیستەنبوڵ، ئیزمیر، سامسۆن، كۆجالی و ئەسكیشەهیر خۆپیشاندان و ڕێپێوانی ناڕەزایی بەڕێوەچوو.

بەشداربووانی ناڕەزاییەكە بە دەم لێدانی مەنجەڵی بەتاڵەوە داوای دەستلەكاركێشانەوەی ڕەجەب تەیب ئەردۆغان سەرۆك كۆمار و پارتەكەیان دەكرد كە بوونەتە هۆی داڕمانی بەهای لیرەی توركی.