X

داهاتی نەوتی فرۆشراوی مانگی تشرینی یەكەم ئاشكراكرا

هەواڵی ڕۆژهەڵاتی ناوەڕاست

پێش 1 هەفتە     124 ژمارەی خوێندراو
Alternate Text

میللەت
وەزارەتی نەوتی عێراق رایدەگەیەنێت، مانگی تشرینی یەكەم زیاتر لە ٩٦ ملیۆن بەرمیل نەوت بە بەهای زیاتر لە حەوت ملیار دۆلار فرۆشراوە.

ئەمڕۆ پێنجشەممە، وەزارەتی نەوتی عێراق راگەیەنراوێكی بڵاوكردەوە و تیایدا ئاماژەی بەوەكردووە، بەگوێرەی ئامارە سەرەتاییەكانی كۆمپانیای سۆمۆ لەمانگی تشرینی یەكەمدا بڕی ٩٦ ملیۆن و ٧٠٨ هەزار و ٦٦٠ بەرمیل نەوت فرۆشراوە و هەناردەی دەرەوە كراوە.

ئەوەشی خستووەتەڕوو، داهاتی نەوتە فرۆشراوەكە بریتییە لە حەوت ملیار و ٦٦٦ ملیۆن و ٤٩٥ هەزار دۆلاری ئەمەریكی.

باس لەوەشكراوە، بڕی نەوتی فرۆشراوی كێڵگەكانی كەركوك لە رێگەی بەندەری جیهانەوە سێ ملیۆن و ١١ هەزار و ٩١٧ بەرمیل بووە. دەشڵێت، بڕی نەوتی فرۆشراوی كێڵگەكانی ناوەڕاست و باشوری عێراق ٩٣ ملیۆن و ٣٨٦ هەزار و ٩٧٥ بەرمیل بووە.

 
ئاماژەی بەوەشداوە، نەوتە فرۆشراوەكە لە لایەن ٣٢ كۆمپانیای جیاوازەوە هەناردەی دەرەوەی وڵات كراوە لە بەندەرەكانی بەسرە و خورئەلعەمییە و عەوامات ئەلئەحادییە لەسەر كەنداو و  بەندەری جیهان لە توركیا.