X

هه‌ولێرو نه‌ورۆز له‌ خولى عێراق به‌رامبه‌ر یه‌كتر ده‌وه‌ستنه‌وه‌

وەرزش

پێش 3 هەفتە     78 ژمارەی خوێندراو
Alternate Text


میلله‌ت 

لە گەڕی هەژدەیەمی خولی نایابی تۆپی پێی یانەکانی عێراق ، دوو یانەی کوردی بەرامبەر یەکتر دوور لە خاکی خۆیان یاریدەکەن.

یارییەکە كاتژمێر ٢ـى پاشنیوه‌رۆى رۆژی دووشەممە ١٠-١-٢٠٢٢ لەسەر یاریگای دهۆک لە نێوان هەولێرو نەورۆز دەبێت .

لە مێژوودا یەکەمجارە هەردوو یانە لەو خولەدا یاری دەکەن بۆ پێیەی نەورۆز بۆ جاری یەکەمە بەشداری لە خولی نایابی عێراق کردووەو ئەم یارییەش دەبێتە رووبەروووبونەیەکی کوردیانە لە خولی عیراق.

بەهۆی سزادانی هەولێر، یارییەکە لە یاریگای دهۆک بەرێوەدەچێت و یانە زەردەکەش پاش هاتنی نزار مەحروسی راهێنەر سێ بردنەوەی یەکلەدوای یەکی تۆمارکردووەو نەورۆزیش بە ورەیەکی بەرزەوە گەشتەکەیان دەکەن پاش ئەوەی لە گەڕی ڕابردوو ٢-١ لە کارەبایان بردەوە .

پێش ئەم یارییە هەولێر بە کۆکردنەوەی ١٧ خاڵ لە ١٧ یاری لە پلەی چواردەیەمەو نەورۆزیش خانەیەک دوورە لە هەولێرو لە ١٧ یاری خاوەنی ١٦ خاڵە .