X

نەوتی هەناردەكراوی عێراق بۆ ئەمریكا زیادی كردووە

هەواڵی ڕۆژهەڵاتی ناوەڕاست

15/01/2022     205 ژمارەی خوێندراو
Alternate Text

میللەت
بە بەراورد بە هەفتەی ڕابردووتر، بڕی نەوتی هەناردەكراوی عێراق بۆ ئەمریكا زیادی كردووە.


ئەمڕۆ فەرمانگەی زانیاریی وزەی ئەمریكی ڕایگەیاند هەفتەی ڕابردوو ویلایەتە یەكگرتووەكان ڕۆژانە پێنج ملیۆن و 153 هەزار بەرمیل نەوتی لە هەشت وڵاتەوە هاوردە كردووە، كە 89 هەزار بەرمیلی لە تێكڕای هاوردەكراوی ڕۆژانەی هەفتەی ڕابردووتر كەمتر بووە.

ڕوونیشیكردەوە كە ڕۆژانە 317 هەزار بەرمیل نەوت لە عێراقەوە هاوردە كراوە، ئەو بڕەش زیاتر لە ئاستی هاوردەكراوی هەفتەی ڕابردووتر كە بڕەكەی 226 هەزار بەرمیل بووە لە ڕۆژێكدا.

فەرمانگەی زانیاریی وزەی ئەمریكا ئەوەشی خستەڕوو كە هەفتەی ڕابردوو زۆرترین بڕی نەوتی هاوردەكراو لە كەنەداوە بووە كە سێ ملیۆن و 340 هەزار بەرمیل بووە لە ڕۆژێكدا، دوای ئەویش مەكسیك 584 هەزار بەرمیل، پاشان عێراق لە پلەی سێیەم و چوارەمیش سعودیە كە 294 هەزار بەرمیل نەوتی لێوە هاوردە كراوە.

ڕاشیگەیاند ئەمریكا ڕۆژانە 241 هەزار بەرمیل نەوتی لە كۆڵۆمبیا هاوردە كردووە، دوای ئەویش بەڕازیل، ترینیداد وتۆباگو هەروەها ئیكوادۆر دێت.

زۆرترین خوێنراو