سەبەتەی خۆراك دەگاتە هەرێم و بەسەر هاوڵاتیاندا دابەشدەكرێت

هەواڵی کوردستان

Alternate Text

میللەت
بەڕێوەبەری خۆراكی سلێمانی رایدەگەیەنێت، لە چەند رۆژی داهاتوودا سەبەتەی خۆراك لە وەزارەتی بازرگانی عێراقەوە دەگاتە كۆگاكانیان و دەست بەدابەشكردنی دەكەن.

شەوكەت محەمەد بەڕێوەبەری خۆراكی سلێمانی رایگەیاندوە، لەچەند رۆژی داهاتوودا سەبەتەی خۆراكی دەگاتە كۆگاكانیان هاوشێوەی مانگی پێشوو دەستدەكەن بە دابەشكردنی.

بەڕێوەبەری خۆراكی سلێمانی وتیشی، بڕیارە وەزارەتی بازرگانی عێراق حەوت یاخود هەشت ماددەی خۆراكی بنێرێت.

شەوكەت محەمەد بە میدیاكانی وتووە،  سەبەتەی خۆراكی لە رێگەی بریكارەكانی خۆراكەوە دابەشدەكرێت.

سەبەتەی خۆراكەكە ، پێكهاتووە لە فاسۆلیا، برنجی هیندی، دۆشاوی تەماتە، لەتكەنۆك، رۆن، شەكر و نیسك.

هەواڵی زیاتر