لەبارەی پرۆسەی خوێندنەوە یەكێتیی مامۆستایان رونكردنەوە دەدات

هەواڵی کوردستان

Alternate Text

میللەت 
یەكێتیی مامۆستایانی كوردستان رونكردنەوە لەبارەی مەترسییەكانی ڤایرۆسی كۆرۆنا لەسەر ناوەندەكانی خوێندن دەدات و بەرپرسێكی رێكخراوەكەش تەئكیددەكاتەوە بەهیچ شێوەیەك تاوەكو ئێستا پێشنیاری لەو شێوەیە نەكراوە كە دەوامكردنی ناوەندەكانی خوێندن هاوشێوەی ساڵی رابردو بكرێـتەوە تەناوب.

 

 

 عەبدولواحید محەمەد,سەرۆكی رێكخراوێكی یەكێتیی مامۆستایانی كوردستان بە"میللەت"ی راگەیاند كۆبونەوەی  نێوان وەزارەتەكانی پەروەردە و تەندروستی بۆ هەڵسەنگاندن دۆخی تەندروستی مامۆستایان و خوێندكارانە,ئەگەر كۆبونەوە بكرێت بەو مانایە نییە كە باس لە راگرتنی پرۆسەی خوێندن بكەن بەڵكو رێكارانی خۆپارێزی لە بەرژەوەندی مامۆستایان و خوێندكاران تاوتوێدەكرێت.

 

رونیكردەوە لە چەند ناوەندێكی خوێندن حاڵەتی توشبون بە ڤایرۆسی كۆرۆنا تۆماركراوە, بەڵام بەو شێوەیە نییە كە مەترسی گەورە لەسەر تەندروستی خوێندكاران و هاوڵاتیان دروستبكات.

 

سەرۆكی رێكخراوی یەكێتیی مامۆستایان جەختیكردەوە,تائێستا بەهیچ شێوەیەك باس لەوەنەكراوە كە دەوامكردن لە ناوەندەكانی خوێندن هاوشێوەی ساڵی رابردو بەشێوەی تەناوب بێت و رۆژ نا رۆژێك دەوامبكرێت و پێشنیاری لەو شێوەیەش نەكراوە.