فرۆكەخانەی هەولێر رونكردنەوەیەكی بڵاوكردەوە

هەواڵی کوردستان

Alternate Text

میللەت
فڕۆكەخانەی نێودەوڵەتی هەولێر بڕیاریدا لێكۆڵینەوە لە بارەی بەكارهێنانی ئۆتۆمبێلێكی فرۆكەخانە بكات كە شەوی رابردو بۆ كاری كەسیی و بەرژەوەندی تایبەتی بەكارهێنراوە.

 

 وێنەیەك لە تۆڕە كۆمەڵایەتییەكان بڵاوكراوەتەوە كە تێیدا دەركەوتوە، ئۆتۆمبێلێكی تابلۆی حكومی و تابلۆشینی سەر بە وەزارەتی گواستنەوە و گەیاندن بۆ كاری تایبەتی و بەرژەوەندیی كەسی بەكارهێنراوە، لە تۆڕە كۆمەڵایەتییەكان كاردانەوەی لێكەوتەوە.

 

ئەمڕۆ هەینی 22ی تشرینی یەكەمی2021 فڕۆكەخانەی نێودەوڵەتی هەولێر رونكردنەوەیەكی بڵاوكردەوە و رایگەیاند ئاگاداری هاووڵاتیان دەكەینەوە، یەكێك لە ئۆتۆمبێلەكانی سەر بە وەزارەتی گواستنەوە و گەیاندن لەسەر بنەمای هەڵسوكەوتێكی كەسیی و بە بێ ئاگاداری ئیدارەی فڕۆكەخانە لە لایەن یەكێك لە شوفێران لە پێناو ئەنجامدانی كاری كەسی بە دەر لە یاسا و رێنماییەكان بەكارهێنراوە.

 

لە رونكردنەوەكە هاتوە  وەزارەتی گواستنەوە و گەیاندن و فڕۆكەخانە بە گوێرەی یاسا بەدواداچون دەكەن و رێكاری یاسایی دەگرنەبەر.