لەبارەی گەشتی عومرە بڕیارێكی نوێ دەركرا

کراوەیی ئیسلامی

Alternate Text

میللەت
وەزارەتی حەج و عومرەی سعودیە رایدەگەیەنێت، لەماوەی رابردوودا بەمەبەستی پاراستنی هاوڵاتیان و وەك رێكارێكی بەرەنگاربوونەوەی كۆرۆنا، تەنها ئەو كەسانە بۆیان هەبوو  گەشتی عومرە بكەن كە تەمەنیان لەنێوان 18-50 ساڵیدابووە، بەڵام لەئێستادا ئەو بڕیارە هەڵوەشاوەتەوە و سەرجەمی ئەو كەسانەی تەمەنیان لەسەری 18 ساڵەوە دەتوانن عومرە ئەنجام بدەن.

وەزارەتی حەج و عومرەی سعودیە لەراگەیەنراوێكدا  رایگەیاندوە، سەرجەم ئەو هاوڵاتیانەی دەرەوەی سعودیە ئاگادار دەكەنەوە كە لەم كاتەدا پێشمەرجی گەورەترین تەمەنی رێگەپێدراو بۆ ئەنجامدانی گەشتی عومرە هەڵوەشاوەتەوە كە پێشوتر بەمەبەستی پاراستنی هاوڵاتیان و وەك رێكارێكی بەرەنگاربونەوەی كۆرۆنا، بە 50 ساڵ دیاریكرابوو.

ئەوەشخراوەتەڕوو، لەم كاتەدا سەرجەم ئەو كەسانەی تەمەنیان لەسەری 18 ساڵەوە دەتوانن عومرە ئەنجام بدەن، بەڵام پێویستە سەرجەم رێكارە تەندروستییەكان لە وەرگرتنی ڤاكسین و پشكنینی پێشوەخت ئەنجام بدەن.