ڤیدیۆ؛ شەوی ڕابردوو داعش پەلاماری هێزی پێشمەرگەی دا و 9 پێشمەرگە شەهید بوون

هەواڵی کوردستان

Alternate Text

میللەت
شەوی رابردوو داعش هێرشیکردە سەر گوندی خدرجیجەی سنوری قەرەچوغ و بەوهۆیەوە 9 پێشمەرگە و 3 هاوڵاتی شەهید بوون و برینداریش هەیە، هاوکات، وەزارەتی پێشمەرگە دەڵێت، هێزەکانی پێشمەرگە ئۆپەراسیۆنێکی بەرفراوانیان لە ناوچەکەدا دەستپێکردووە.

لەو هێرشەی داعشدا بۆ سەر گوندەکە لە سەرەتادا سێ هاوڵاتی کە برای یەکتربوون و دانیشتووی گوندەکە بوون شەهید بوون و دواتر هێزی پێشمەرگە بۆ شوێنی رووداوەکە گواستراونەتەوە.

ئه مشەو کاتژمێر (10) تيرۆریستانى داعش هيرشيان كردووەته سەر گوندى خدرجيجه له ده شتى كەنديناوه، کە دەکەوێتە نزیک مەفرەقی ديبەگه و هاوڵاتیانی گوندەکە بەرگریان کردووە و سێ برا بە ناوەکانی (ئازاد اسماعيل حاجى عبدالله، بارزان اسماعيل حاجى عبدالله، نازم اسماعيل حاجى عبدالله).
لە راگەیانراوێکدا وەزارەتی پێشمەرگە ڕایگەیاند، "هێزەكانی پێشمەرگە بەزوویی بەهانای خەڵكی گوندەكەوە چوون و توانیان لەماوەیەكی كەمدا، بارودۆخەكە كۆنتڕۆڵ بكەن و تیرۆریستان راو بنێن، دواتر هێزی پێشمەرگە ئۆپەراسیۆنێكی كێوماڵكردنی بۆ ناوچەكە ئەنجامدا، لەوكاتەدا، یەكێك لە ئۆتۆمبێلەكانی پێشمەرگە كەوتە بۆسەی تیرۆریستانی داعشەوە، بەداخەوە حەوت پێشمەرگە شەهید بوون."

ناوی ئەو پێشمەرگانەی لە بۆسەکەی داعشدا شەهید بوون: رائید نفی خولە، نەقیب فەخرەدین سەعید، کامەران پوشو، سەنگەر شەریف، شوکر ئەبوزێد قادر، یاسین محەممەد، نازم رەزا.
بەپێی زانیارییەکان لەکاتێکدا لەلایەن ئۆتۆمبێلی هێزەکانی پێشمەرگەوە بریندارەکان گواستراوەتەوە ئۆتۆمبێلێک وەرگەڕاوە و دوو برا بە ناوەکانی دڵشاد قادر و دیدار قادر شەهید.

لە شەوی 27ی مانگی رابردوو، لە ناحیەى کوڵەجۆى گەرمیان داعش هێرشیکردەسەر سەنگەرەکانى پێشمەگە و لەکاتێکدا یارمەتی بۆ هێزەکان رۆشتبوو بۆمبێک بە ئۆتۆمبێلێکی پێشمەرگەدا تەقییەوە و پێنج پێشمەرگە شەهید بوون و چوار پێشمەرگەش بریندار بوون.

لە 29ی مانگی رابردووشدا، لە سنووری کفری لەلایەن چەکدارانی داعش هێرشکرایە سەر هێزەکانی پێشمەرگە و لە ئەنجامی هێرشەکەشدا دوو پێشمەرگە شەهید بوون و سێ پێشمەرگەی دیکەش برینداربوون.

ڤیدیۆی ئەو ئۆتۆمبێلەی هێزەکانی پێشمەرگە کە بە ئار بی جی هێرشی کرایە سەروو 7 پێشمەرگە شەهید بوون