وێنە؛ رابەرە نوێكەی داعش لە ئەفغانستان خرایە لیستی رەشەوە

کراوەیی ئیسلامی

Alternate Text

میللەت

ویلایەتە یەكگرتووەكانی ئەمەریكا سێ سەركردەی داعش لە ئەفغانستان دەخاتە لیستی تیرۆرەوە، یەكێـتی ئەوروپاش یەكێك لەوانە دەخاتە لیستی رەشەوە.

دوای ئەوەی ویلایەتە یەكگرتووەكانی ئەمەریكا سێ سەركردەی رێكخستنی دەوڵەتی ئیسلامیی – ویلایەتی خوراسان (داعش) خستە لیستی تیرۆرەوە، 21 ئەم مانگە لیژنەی سزاكانی سەر بە ئەنجومەنی ئاسایش ناوی (شەهاب موهاجیر)ی خستە لیستی رەشەوە، رۆژێك دواتریش یەكێتی ئەوروپا موهاجیری خستە ناو لیستی رەشەوە لای خۆی.

شەهاب موهاجیر ناوی راستەقینەی (سەنائوڵا غەفاریی)ە ئەندازیارە و لە خێزانێكی ئەفغانی دەوڵەمەندە، ساڵی 1990 لەدایكبوە و لە زانكۆی كابول بەشی ئەندازیاری تەواوكردووە، لە حوزەیرانی 2020 بوەتە ئەمیری نوێی رێكخستنی دەوڵەتی ئیسلامیی- ویلایەتی خوراسان، ئەوەش دوای كوژرانی ئیسلام فاروقی ئەمیری رێكخراوەكە.

زانیاری ورد دەربارەی ژیان و كەسایەتی موهاجیر بەردەست نییە، بەڵام ئەوەی زانراوە ناوبراو لەگەڵ ژمارەیەك هاوەڵی سەردانی عێراق و سوریای كردوە و بەیعەتی بە ئەبوبەكر بەغدادی رێبەری پێشوی داعش داوە، شارەزاییەكی باشی سەربازی هەیە و تا ئێستا هیچ تۆمارێكی دەنگی بڵاونەبوەتەوە، بەڵام وێنەی راستەقینەی بڵاوبوەتەوە.

موهاجیر شەشەمین ئەمیری ویلایەتی خوراسانی داعشە و لەلایەن ئەمەریكا و بەریتانیا بە پلانداڕشتن بۆ هێرشی خۆكوژی و ئەنجامدانی تۆمەتباركراوە.
شایانی باسە دوای سەركەوتنی تاڵیبان و پاشەكشەی ئەمەریكا لە ئەفغانستان، جارێكی تر داعش لەو وڵاتە كەوتوەتە چالاكی دژی هێزەكانی تالیبان و حكومەتی ئەفغانستان.

سەرچاوە:
ئەلجەزیرە

زۆرترین خوێنراو