سەبەتەی خۆراك بەسەر هاوڵاتیاندا دابەشدەكرێـت

هەواڵی کوردستان

Alternate Text

میللەت 
بەڕێوەبەری كۆمپانیای خۆراك لە سلێمانی رایدەگەیەنێت یەكەم سەبەتەی خۆراك بۆ ساڵی 2022رەزامەندی لەسەردراوەو  بەسەر هاوڵاتیاندا دابەشدەكرێت كە پێكهاتوە لەشەش ماددە، جەختیشدەكاتەوە لەئێستادا رۆژانە ئەو ماددانەمان پێدەگات و دواتر لەرێی بریكارەكانەوە دابەشدەكرێـت.

 شەوكەت محەمەد،بەڕێوەبەری دابەشكردنی خۆراك لە سلێمانی بە"میللەت"ی راگەیاند بۆ ئەمساڵیش رەزامەندی دراوە لەسەر دابەشكردنی سەبەتەی خۆراك بەسەر هاوڵاتیان كە لەشەش ماددە پێكهاتوە بریتیە لە "برنج، فاسۆلیا، لەتكە نۆك، دۆشاو، زەیت و نۆك".

راشیگەیاند رۆژانە ئەو ماددە خۆراكیانەمان بەدەستدەگات و هەر كات بڕەكە كۆبۆوە و سەرجەم ماددەكانمان بەدەستگەیشت بەسەر هاوڵاتیاندا لەرێی بریكارەكانەوە دابەشدەكەین كە بەیەكەم سەبەتەی خۆراكی ساڵی 2022 ئەژماردەكرێـت.

لەبارەی بەشە خۆراكە نەدراوەكانی ساڵی رابردوش،شەوكەت محەمەد گوتی" مانگانە حكومەتی عێراق رێنمایی نوێ دەردەكات و بڕیار لەبارەی بەشە خۆراكە نەدراوەكانەوە دەدات .

زۆرترین خوێنراو