حاجی مەسیفی : ئەو دەنگەی بۆ هەڵبژاردنی دەستەی سەرۆكایەتی پەرلەمان دراوە پێوەرنییە بۆ هەڵبژاردنی سەرۆكی كۆمار

هەواڵی کوردستان

Alternate Text

میللەت 
ئەندامێكی ئەنجومەنی سەركردایەتی یەكێتیی رایدەگەیەنێـت ئەو دەنگەی بۆ هەڵبژاردنی دەستەی سەرۆكایەتی پەرلەمانی عێراق دراوە پێوەرنییە بۆ هەڵبژاردنی سەرۆكی كۆمار وەكو ئەوەی پارتی باسی لێوەدەكات و جەختیشدەكاتەوە ئێمە لەبەرژەوەندی گەلەكەمان بێدەنگیمان هەڵبژاردوە كە پۆستی سەرۆكی هەرێم، سەرۆكی حكومەت، سەرۆكی ئەنجومەنی ئاسایش و ئەنجومەنی دادوەری لای پارتی بوە. 

 حاجی مەسیفی، ئەندامی ئەنجومەنی سەركردایەتی یەكێـتیی نیشتمانیی كوردستان رایگەیاند كاندیدەكەی یەكێتیی بۆ پۆستی سەرۆك كۆمار سەردەكەوێت و لەهەمو دەرگایەك دەدەین بۆ سەرخستنی كاندیدەكەمان و راشیگەیاند ئەو رەقەمەی بۆ هەڵبژاردنی دەستەی سەرۆكایەتی ئەنجومەنی نوێنەران دراوە پێوەرنییە بۆ هەڵبژاردنی سەرۆكی كۆمار و ئێستا خەڵك لە پارێزگاكانی ناوەڕاست و باشوری عێراق لە دژی كاندیدكردنی هۆشیار زێباری رۆژانە خۆپیشاندان ئەنجامدەدەن.

ئەوەشیخستەرو ئێمە لەبەرژەوەندی گەلەكەمان بێدەنگیمان هەڵبژاردوە كە ئێستا پۆستی سەرۆكی هەرێم، سەرۆكی حكومەت، سەرۆكی ئەنجومەنی ئاسایش و ئەنجومەنی دادوەری لای پارتی بوە و بۆیە بە هیچ شێوەیەك یەكێتیی ئەوە قبوڵناكات. 

ئاشكراشیكرد رێككەوتنی ستراتیژییمان هەبوە كە پۆستی سەرۆكی هەرێم بۆ پارتی بوە و سەرۆكی كۆمار بۆ یەكێتیی و جگەلەوەش رێككەوتنەی پارتی كە لەگەڵ حەلبوسی و سەدر ئەنجامیداوە هیچ دەستكەوتێكی بۆ هەرێمی كوردستان تێدا نییە. 

زۆرترین خوێنراو