پرۆسه‌ى شۆردنه‌وه‌ى مێشك ‌لای رێكخراوه‌ توندڕه‌وه‌كان

کراوەیی ئیسلامی

Alternate Text

به‌ختیار ئه‌حمه‌د ساڵح

پێشه‌كى

شۆردنه‌وه‌ى مێشك به‌ یه‌كێك له‌و پرسانه‌ ئه‌ژمار ئه‌كرێت كه‌ لێكدانه‌وه‌ى زۆری له‌باره‌وه‌ كراوه‌، به‌ خه‌رمانه‌یه‌ك له‌ نهێنی و په‌نهانكارى دەورەدراوە، به‌و پێیه‌ى كه‌ له‌ رێگه‌یه‌وه‌ ده‌سه‌ڵاته‌ سته‌مكاره‌كان و پارت و ڕێكخراوه‌ توندڕه‌وه‌كان به‌كارى ده‌هێنن بۆ گۆڕین و ئاڕاسته‌كردنى بیر و تێكشكاندنى ویست و دواجار سڕینه‌وه‌ و شۆردنه‌وه‌ى مێشك و جێگیركردنى بیر و باوه‌ڕێكى نوێى جیاواز و دژ له‌گه‌ڵ بیروباوه‌ڕه‌ كۆنه‌كاندا.

له‌گه‌ڵ گه‌شه‌سه‌ندنى بواره‌كانى ده‌رونزانى و كۆمه‌ڵناسی، ڕاگه‌یاندن، پڕوپاگه‌نده‌، په‌روه‌رده‌، ئابوورى و بوارگه‌لێكى دیكه‌ى په‌یوه‌ست به‌كاركردنى ئه‌ندامه‌كانى جه‌سته‌، بوارى شۆردنه‌وه‌ى مێشكیش ڕووى له‌ به‌رفراوانبوون كردووه،‌ كه ‌له‌ پرۆسه‌یه‌كى تایبه‌ت و له ‌هه‌لومه‌رجێكى گونجاودا له‌ لایه‌ن ده‌سه‌ڵات یان گرووپ و رێكخراوه‌وه‌ ئه‌نجام ده‌درێت. له‌ ئێستا و له‌ رێگه‌ى به‌كارهێنانى یارى و تۆڕه‌ كۆمه‌ڵایه‌تییه‌كانیشه‌وه‌ ئه‌و پرۆسه‌یه‌ به‌شێوه‌یه‌كى ڕۆژانه‌ و له‌ لایه‌ن نێوه‌ندگه‌لێكى دیكه‌ و له‌ناو ماڵه‌كاندا ئه‌نجام ئه‌درێت به‌بێ ئه‌وه‌ى كه‌سه‌كه‌ له‌ ژینگه‌ سروشتییه‌كه‌ى داببڕێنرێت. لێره‌دا ده‌رده‌كه‌وێت كه ‌ئیدی شتێك نه‌ماوه‌ به‌ ناوى ویستى ئازاد و كه‌سه‌كان به‌بێ ئه‌وه‌ به‌ ئاگان بن، له‌ برى كه‌سانى دیكه‌ قسه‌ده‌كه‌ن و بڕیارده‌ده‌ن و ته‌نانه‌ت ده‌شجه‌نگن و پێشیانوایه‌ ئه‌و بیرۆكانه‌ى كه‌ ده‌ریده‌بڕن و ئه‌و هه‌ڵوێستانه‌ى ده‌ینوێنن، تایبه‌ته‌ به‌ خۆیان نه‌وه‌ك كه‌سێكى دیكه‌(1).

پرۆسه‌ى شۆردنه‌وه‌ى مێشك، پرۆسه‌یه‌كه‌ كه‌ پێشوه‌خته‌ كارى له‌سه‌ر ده‌كرێت و پلانى بۆ داده‌نرێـت له‌لایه‌ن كه‌سانى شاره‌زا و پسپۆڕ له‌و بواره‌دا، به ‌تایبه‌ت كه‌سانى پسپۆڕ له‌ بوارى ده‌رونزانى و كۆمه‌ڵناسی و فسیۆلۆجیادا. ئامانج له‌ پرۆسه‌كه‌ گه‌یاندنى كه‌سی به‌ئامانجگیراوه‌ به ‌ئاستێك كه‌ تیایدا ویستى خۆى له‌ده‌ست بدات و مێشكى ئاماده‌یی ئه‌وه‌ى تێدابێت كه‌ بیرۆكه‌ى نوێى تێدا بچێنرێت، دواى ده‌ركه‌وتنى ئاماده‌یی كه‌سه‌كه‌ بۆ ده‌ستبه‌رداربوونى بیركردنه‌وه‌ى پێشووتر و سڕینه‌وه‌ى بیرۆكه‌ كۆنه‌كان. به‌ كورتییه‌كه‌ى ئه‌و پرۆسه‌یه‌ بریتییه‌ له‌ شه‌كه‌تكردنى جه‌سته‌ و ده‌رونى كه‌سه‌كه‌ به‌ ئاستێك كه‌ ئیدی ئاماده‌یی ئه‌وه‌ى تێدابێت ده‌ست له‌ هه‌ر شتێك گیر بكات ته‌نها بۆ ئه‌وه‌ى له‌و حاڵه‌ته‌ى ‌تیایدایه‌ ڕزگارى ببێت.

 

کلیک لێرە بکە بۆ داگرتن

 

ئەم بابەتە لە بنەڕەتدا لە ناوەندی کوردستان بۆ لێکۆڵینەوە لە ململانێ و قەیرانەکان بڵاوکراوەتەوە

زۆرترین خوێنراو